Son günlər Azərbaycan mətbuatında İrandakı Azərbaycan səfirliyinə hücum edən terrorçu barəsində çıxarılan ölüm hökmünün icrasının yubanması ilə bağlı bir çox yazılar dərc olunub. O cümlədən, mötəbər informasiya agentliklərindən biri diplomatik mənbələrdən əldə etdiyi məlumata istinad edərək bildirib ki, terrorçunun edam olunması ilə bağlı qərar tez bir zamanda icra edilməsə, Azərbaycan İrandakı səfirini növbəti dəfə geri çağıra bilər.
