Cəlilabad rayonunda 2007-ci il təvəllüdlü Yaşar 11 yaşlı həmkəndlisi Sahilə (adlar şərti göstərilib – red.) qarşı seksual xarakterli hərəkətlər edib. Demokrat.az-ın əldə etdiyi məlumata görə, Yaşar 2022-ci ilin iyun ayının ortalarında tanışı, 2009-cu ildə doğulmuş, cinayət məsuliyyətinə cəlb olunması üçün cinayət qanununda nəzərdə tutulmuş yaş həddinə çatmamış Əli ilə razılaşaraq 2013-cü il təvəllüdlü Sahilə qarşı zor tətbiq etməklə uşaqbazlıq hərəkətləri etmək qərarına gəlib. Yaşar Cəlilabad rayonunun kəndində, kənd arasında “Bənd” deyilən yerdə atasına məxsus olan atı evlərinə aparmaq istəyən Sahilə yaxınlaşıb və Əli ilə birlikdə onu ağaclıq sahədə yerə yıxıb, zor tətbiq edərək əlini və ayağını ot kiplərinin bağlandığı iplə bağlayıblar. Yüksək səslə qışqırmasının qarşısını almaq üçün ağzını parça ilə bağladıqdan sonra Əli ilkin olaraq Sahilin əynində olan şalvarı və alt paltarını aşağıya endirib. Sonra Sahillə cinsi əlaqədə olublar. Daha sonra Yaşar və Əli həmin ilin iyul ayının ortalarında kənd arasında “Quzeyin başı” deyilən yerdə olan Sahili nil ağaclarının əkildiyi sahəyə aparıb. Orada Sahilin əlini və ayağını ot kiplərinin bağlandığı iplə bağlayıblar, yüksək səslə qışqırmasının qarşısını almaq üçün ağzını parça ilə bağladıqdan sonra onunla qeyri-təbii yolla cinsi əlaqəyə giriblər. Bundan sonra Yaşar və Əli kənd ərazisində “üçüy” deyilən yerdə olan Sahili ağaclarının əkildiyi sahəyə aparıb, eyni üsulla zorakılıq edərək, onunla cinsi əlaqədə olublar.
