28-30 oktyabr tarixlərində ABŞ-nin Los-Anceles şəhərində keçirilən “CISCO Partner Summit” tədbirində dünyanın aparıcı İKT şirkətlərindən 2000-dən çox nümayəndə iştirak edib. Hər il təşkil olunan bu tədbirdə Azərbaycan şirkəti “Bestcomp Group”, CISCO-nun MDB ölkələrindən olan tərəfdaşları arasında yeganə mükafat alan şirkət olmuş, MEA (Yaxın Şərq və Afrika) regionu üzrə “Security Partner of the Year 2024” mükafatına layiq görülüb.
