Ötən əsrin 90-cı illərində və 2020-ci illərdə Qarabağın müdafiəsi, daha sonra işğaldan azad edilməsi uğrunda Ermənistanla iki dəfə qanlı toqquşmalara məruz qalan Azərbaycan getdikcə bərpa olunur, gələcəyə baxır. 2003-cü ildən ölkəyə rəhbərlik edən Azərbaycan Prezidenti İlham Əliyev geniş xalq dəstəyinə malikdir.”Report” xəbər verir ki, sentyabrın 1-də keçirilən növbədənkənar parlament seçkisi zamanı Laçına səfər edən britaniyalı jurnalist Pol Bolduin “Ekspress” qəzetindəki məqaləsinə belə başlayır.Müəllif yazır ki, Azərbaycan 1991-ci ildə SSRİ-nin süqutundan sonra müstəqillik qazanmış gənc dövlətdir. Ölkə, əsasən, Xəzər dənizinin şelfindəki nəhəng neft və qaz ehtiyatları sayəsində kapitalist inkişaf yoluna uğurla qədəm qoyub. 2000-2014-cü illərdə Azərbaycan dünyanın ən sürətlə inkişaf edən iqtisadiyyatlarından biri olub.”2020-ci ildə əldə etdiyi qələbədən sonra Azərbaycan Qarabağ üzərində nəzarəti bərpa etdi və regionun Böyük Qayıdış adlı genişmiqyaslı yenidənqurma proqramına başladı. Məqsəd 90-cı illərin əvvəllərində evlərindən qovulmuş 700 min azərbaycanlını geri qaytarmaqdır”, – deyə materialda qeyd olunub.Müəllifin fikrincə, bunlar, çox böyük zəhmət tələb edən işlərdir. Eyni zamanda işin miqyası insanı valeh edir:
