149 il əvvəl Həsən bəy Zərdabinin yaratdığı, cəmi 56 sayının işıq üzü gördüyü “Əkinçi” qəzeti milli mətbuatımızın təməl daşıdır. Qısa vaxtda fəaliyyət göstərən qəzet maarifçilik ideyalarını əsas tutaraq, cəhalətə, mövhumata qarşı mübarizə apardı. Əsası 1875-ci ildə qoyulan milli mətbuatımız uzun keşməkeşli yollardan keçərək müstəqil, suveren Azərbaycanın mətbuatına çevrildi.
