Oğlan uşaqlarını sünnət elətdirmək dini öhdəlik kimi qəbul olunub. Azərbaycan cəmiyyətində də oğlan uşaqları böyüyüb öz dinini seçməmiş valideynləri onları sünnət etdirirlər. Hətta bunun üçün məclis qurub, “kiçik toy” edənlər, kirvə seçib, ömürlük qohum olanlar da var.Tibbi tərəfinə gəldikdə isə sünnət cərrahi prosedurdur. Cərrahi müdaxilə olduğu üçün fəsad və riskləri qaçılmazdır. Əslində, ölkəmizdə geniş yayıldığı üçün risk azdır, amma zaman-zaman fəsadlar da ortaya çıxa bilər. Sünnəti bəzən cərrahların, həkimlərin yox, sıradan tibb işçilərinin və ya tibb təhsili almayan şəxslərin də yerinə yetirdiyinin şahidi olmuşuq.
