İran İslam Respublikasının Ermənistandakı səfiri Mehdi Sübhani növbəti dəfə Bakı-Tehran-İrəvan üçbucağı ətrafında dağıdıcı ruhlu açıqlamaları ilə yadda qalıb. O, “Azadlıq radiosu”nun Ermənistan bürosuna verdiyi müsahibəsində Rəsmi Bakı əleyhinə növbəti dəfə sərsəm fikirlər səsləndirib. Səfir bununla nəinki Ermənistanın maraqlarına xidmət etdiyini, hətta özünü bu ölkənin rəsmisi kimi apardığını nümayiş etdirməkdən də çəkinməyib. Xüsusən də İranda azərbaycanəsilli Məsud Pezeşkianın prezident seçilməsi və Tehrandakı səfirliyimizin bərpa olunduğu ərəfədə onun belə mövqe sərgiləməsi və bunu ölkəsinin rəsmi mövqeyi kimi təqdim etməsi bir sıra suallar yaradır. Məsələn, səfirin müsahibəsində xüsusilə diqqəti çəkən bir neçə məqama diqqət yetirək.
