Bu gün Ermənistan dünyada artıq Rusiyanın yox, daha çox Fransanın forpostu kimi tanınır. Ermənistanın baş naziri Nikol Paşinyanın 2018-ci ildən hakimiyyətə gələndən sonra ortaya qoyduğu xarici siyasət kursu bunu deməyə əsas verir. Belə ki, N.Paşinyan hakimiyyətə gələndən az sonra Qərbə yaxınlaşmağa, Rusiyadan uzaqlaşmağa başladı. Bu isə regionda yeni geosiyasi reallıqlar yaratmaqla yanaşı, Ermənistan dövlətçiliyi və hakimiyyəti üçün də ciddi təhdidlərə zəmin yaratdı. Belə ki, bu gün rəsmi İrəvan faktiki olaraq Rusiya ilə Qərb arasında siyasi poliqona çevrilib. Gələcəkdə Ukraynanın taleyini yaşayaraq hərbi poliqona çevrilməsi də istisna deyil.
