Uzun illərdir futbolsevərlərə uğurlu nəticə bəxş etməyən milli komandamız bu dəfə də etimadı doğrulda bilmədi. Yeni baş məşqçi Fernandu Santuşun oyun taktikası neqativ nəticə göstərdi. Düzdür, seçmə komandamıza gələn bütün baş məşqçilər müdafiə xarakterli oyuna üstünlük veriblər. Santuş da bu taktiki gedişatdan istifadə edərək minimum bir xala köklənmişdi. Amma azərbaycanlı futbolsevərlərə qrup mərhələsində xal qazanmaq yox, növbəti tura yüksəlmək lazımdır.
