Qızmar havadan əziyyət çəkən təkcə böyüklər deyil, həm də dövlət bağçalarına gedən uşaqlardır. Bağçalarda soyutma sistemlərinin olmaması onlara çətinlik yaradır. Valideynlər bildirirlər ki, bağçalarda nəinki kondisioner, heç ventilyator da yoxdur. Bəzi bağçaların yay aylarında da fəaliyyət göstərəcəyini nəzərə alsaq, vəziyyəti göz önünə gətirmək elə də çətin deyil.
