“Norm” ASC 2023-ci ilin audit olunmuş maliyyə nəticələrinə dair hesabatı bölüşüb. Nəticələr göstərir ki, şirkətin ötən ilki maliyyə göstəriciləri əvvəlki illə müqayisədə xeyli yüksəlib. Belə ki, “Norm” ASC-də satış gəliri 11% artaraq 226 milyon AZN təşkil edib, ümumi gəlir isə 21,1% artaraq 109 milyon AZN-ə çatıb. Əməliyyat mənfəəti 8,1 milyon manat, yəni 14,6% artaraq 63,5 milyon manata, vergidən əvvəlki mənfəəti isə 31% artaraq 66,8 milyon manata çatıb.
