“Teleteatrda tamaşaçılarla görüş baş tutmalı idi. Sevillə öncədən danışdıq ki, ora gedəcəyik. Nədənsə həmin görüşə o gəlmədi. Teleteatra zəng edib demişdi ki, gəlməyəcəm. Mənə isə söz vermişdi ki, gələcəm. Sözün düzü bu məsələdə mən də insanların yanında yalançı oldum. Daha sonra isə başımız qarışdı. Onun öz ailəsi var, mənim də öz ailəm. Əlbəttə ki, insanlar bizi filmdə birlikdə görüb, birlikdə seviblər. Bir-birimizə hörmətimiz var. İllər sonra məktəbdə uşaqlarla keçirilən görüşdə iştirak etdik” Bunu Moderator.az-a açıqlamasında “Qaraca qız” filminin Xədicəsi Leyli Axundova deyib. O daha sonra əlavə edib.”Əksər səhnələrdə Sevillə birlikdəyəm. O məni orada öyrədir ki, necə oynayım, necə alma yığım? Qaraçıların əksəriyyəti Moskvadan gəlmişdi. Ayıları da sirkdən gətirmişdilər. Filmi montaj etdilər, bir çox səhnələr kəsildi. Filmdən demək olar ki, əsər-əlamət qalmadı” deyə o bildirib.
