İnnovasiya və Rəqəmsal İnkişaf Agentliyinin təşəbbüsü ilə keçirilən və 60-dan çox dövlət qurumunun 80-dən çox səlahiyyətli nümayəndəsinin iştirak etdiyi “Rəqəmsal liderlik” proqramının 9 – 10 iyul tarixlərində növbəti görüşü Şuşa şəhərində baş tutub. Tədbiri giriş nitqi ilə açan İRİA-nın sədr müavini Rəşad Xalıqov budəfəki “Rəqəmsal liderlik” görüşünün Şuşada keçirilməsinin rəmzi əhəmiyyətini vurğulayıb: “Şuşa Zəfər tariximizin simvoludur, bizim üçün ilham mənbəyidir. Məqsədimiz ortaq səylərimizlə Azərbaycanın rəqəmsallaşmasını yeni zirvələrə yüksəltməkdir”.
