Yeni nəsil özəl məktəb olan “SABAH.school”da 2024-2025 tədris ili üçün şagird qəbulu davam edir. Məktəb, müasir texnologiyanı təhsilə inteqrasiya edərək şagirdlərdə innovasiya və texnologiyayönümlü bacarıqların inkişafını hədəfləyir. Əsas üstünlüklərdən biri Beynəlxalq Bakalavriat (IB) proqramının tətbiqidir ki, bu da dünya standartlarına uyğun təhsil və qlobal imkanlar təqdim edir. “SABAH.school”un tədris metodologiyası tətbiqi öyrənmə, akademik və praktiki təhsilin birləşməsinə əsaslanır, bu da şagirdləri müstəqil qərarlar qəbul etməyə və gələcəkdə rəqabətə davamlı fərdlər kimi inkişaf etməyə hazırlayır.
