Xəzər və Mərkəzi Asiya regionunun aparıcı yük aviaşirkəti olan “Silk Way West Airlines” 2024-cü ilin noyabr ayında Bakıda keçiriləcək COP29 tədbirinin Qlobal Hava Yükdaşıma Partnyoru kimi iştirakını fəxrlə elan edir. Bu tərəfdaşlıq aviaşirkətin davamlılığa və ekoloji məsuliyyətə olan sadiqliyini vurğulayır, qlobal iqlim dəyişikliyinə qarşı mübarizə səyləri ilə uyğunlaşır və eyni zamanda Azərbaycanın 2024-cü ili “Yaşıl dünya naminə həmrəylik ili” kimi elan etməsinə müvafiqdir.
