Azərbaycanın Vətən müharibəsi ilə Cənubi Qafqazda başlayan tarixi proseslər hazırda da davam edir. Azərbaycan və Ermənistan indi sülhə heç vaxt olmadığı qədər yaxındırlar. İkinci Qarabağ müharibəsi və birgünlük antiterror əməliyyatı nəticəsində rəsmi Bakının öz ərazi bütövlüyünü təmin etməsindən sonra “düyün” açılıb. İndi Azərbaycanın əsas prioriteti Ermənistanla sülh sazişinin imzalanması və regional əməkdaşlıq mühitinin təmin olunmasıdır.
