Heydər Əliyev Fondu və Mədəniyyət Nazirliyinin təşkilatçılığı ilə iyulun 18-də Mədəniyyət paytaxtımız Şuşada başlanan Vaqif Poeziya Günlərinin açılış mərasimindən sonra görkəmli şairimiz xan qızı Xurşidbanu Natəvanın evinin qarşısında dahi Azərbaycan şairi və mütəfəkkiri Məhəmməd Füzulinin (1494-1556) 530 illiyinə həsr olunan “Füzuli hücrələri” adlı teatral kompozisiya təqdim edilib.
