Bu gün Türkiyə və Rusiyanın xarici işlər nazirləri Hakan Fidanla Sergey Lavrov arasında ikitərəfli danışıqlar keçiriləcək.

“Qafqazinfo” xəbər verir ki, bu barədə məlumatı Türkiyə XİN-dəki mənbəyə istinadən TASS yayıb. 

Bildirilib ki, danışıqlar Yohannesburqda G20 ölkələrinin XİN rəhbərlərinin 27-ci görüşü çərçivəsində baş tutacaq. 

Bununla yanaşı, H.Fidanın çinli həmkarı Van İ ilə də ikitərəfli görüşü planlaşdırılır.

***

Rusiyanın xarici işlər naziri Sergey Lavrov türkiyəli həmkarı Hakan Fidanla görüşüb.

Onlar arasında danışıqlar Yohannesburqda keçirilən G20 nazirlərinin görüşü çərçivəsində aparılıb.

Rusiya XİN-in məlumatına görə, nazirlər ikitərəfli gündəliyin əsas aspektləri, o cümlədən ticarət-iqtisadi sahədə əməkdaşlıq perspektivləri üzrə qeydləri müqayisə ediblər.

“Bəzi beynəlxalq və regional məsələlər ətrafında fikir mübadiləsi aparılıb, Suriyada vəziyyətin daha da sabitləşdirilməsi üçün iki ölkənin səylərinin əlaqələndirilməsinə xüsusi diqqət yetirilib.

S.V.Lavrov Ər-Riyadda baş tutan Rusiya-Amerika təmaslarının nəticələri barədə türkiyəli həmkarına məlumat verib”, - Rusiya XİN-in məlumatında bildirilir.

21 fevral 2025

Mənbə: qafqazinfo.az