Tbilisidə, Gürcüstan parlamentinin binası yaxınlığında müxalifət etirazçıları nəqliyyatın hərəkətini dayandıraraq aksiyalarını bərpa ediblər.

“Qafqazinfo” xəbər verir ki, bu barədə “RİA Novosti” məlumat yayıb.

Etirazçılar Tbilisinin mərkəzindəki parlament binası yaxınlığında Rustaveli prospektini bağlayıblar.

Mitinqə yüzlərlə adam toplaşıb. Artıq 31-ci gündür ki, etirazçılar şəhərin mərkəzində küçələri bağlayır.

Xatırladaq ki, Tbilisidə etirazlar noyabrın 28-də Baş nazir İrakli Kobaxidzenin Gürcüstanın 2028-ci ilin sonuna qədər Avropa İttifaqı ilə danışıqları dayandırmasından sonra yenidən başlayıb.

04 yanvar 2025

Mənbə: qafqazinfo.az