“MrBeast” ləqəbi ilə tanınan məşhur yutuber Ceyms Donaldson nişanlanıb.

“Qafqazinfo” xəbər verir ki, 26 yaşlı amerikalı “MrBeast” bu barədə məlumatı öz instaqram hesabında paylaşıb. 

O, Milad bayramı günü 27 yaşlı sevgilisi Thea Booysenə evlilik təklif edib. Yutuber, həmçinin sözügedən anın fotolarını da izləyiciləri ilə paylaşıb. 

Cütlük 2022-ci ildən birlikdədir. Əslən Cənubi Afrikadan olan Thea da yutuberdir və “TheaBeasty” kanalını idarə edir.

Qeyd edək ki, amerikalı sahibkar və xeyriyyəçi Ceyms Donaldson hazırda 341 milyon izləyici ilə dünyanın ən çox izləyicisinə sahib yutuberidir. Belə ki, 2024-cü ilin iyulunda onun kanalı 300 milyon izləyici həddini ötüb və o, yutub tarixində bu nəticəyə nail olan ilk şəxs olub. Onun intaqram hesabını isə 64 milyon şəxs izləyir.

Yutuber əsas olaraq bahalı hədiyyələrlə uduşlar təşkil etməklə məşhurlaşıb. Məsələn, o, özünün 26 yaşı tamam olması münasibətilə 26 “Tesla” avtomobili bağışlayıb. 

Onun sözlərinə görə, ildə 600-700 milyon dollar qazanır. Hər video ona yutub reklamlarından bir neçə milyon dollar gəlir əldə etməyə imkan verir.

04 yanvar 2025

Mənbə: qafqazinfo.az