Dünyaşöhrətli müğənni Madonna 93 yaşlı atası Silvio Çikkone və digər ailə üzvlərini bir araya toplayaraq fotosessiya etdirib.

“Qafqazinfo” xəbər verir ki, bu barədə o öz instaqram hesabında paylaşım edib.

Onun atası və övladları Lurdes Mariya Çikkone-Leon, Rokko Con Riçi, Devid Banda Çikkone-Riçi, Çifundo Mersi Ceyms Çikkone, əkizləri Stella və Esterlə çəkdirdiyi şəkillləri maraqla qarşılanıb.

Müğənni paylaşımına isə belə yazıb: “Biz öz ailəmizi yaradırıq. Zaman keçdikcə mənə dərs öyrədən hər bir şeyi daha çox qiymətləndirirəm. Ailəm bu il çox itkilər yaşadı. Bu dönəmdə ailəmin kədərinə dözmək çətin oldu”.

Qeyd edək ki, müğənninin qardaşı Kristofer Çikkone oktyabr ayında 63 yaşında xərçəng xəstəliyindən vəfat edib. Bir ay əvvəl isə ögey anası Coan 81 yaşında xəstəlikdən dünyasını dəyişib.

Məşhur müğənni 28 yaşlı sevgilisi Akeem Morrisin də fotosunu paylaşıb.

05 yanvar 2025

Mənbə: qafqazinfo.az