Hacıqabul rayonunda minik avtomobillərinin toqquşması ilə nəticələnən yol qəzası baş verib.

“Qafqazinfo” xəbər verir ki, hadisə saat 15 radələrində Bakı-Qazax avtomobil yolunun Hacıqabul rayonu ərazisindən keçən hissəsində qeydə alınıb.

“VAZ-2107” markalı avtomobil dönmə əməliyyatı zamanı sürətlə hərəkətdə olan “Mercedes” markalı avtomobilin qarşısına çıxıb. Nəticədə “VAZ-2107” yoldan çıxaraq restoranın qarşısında dayanan “Hyundai Sonata”, “Hyundai Tucson” və “KİA” markalı minik maşınlarına çırpılıb.

Qəza nəticəsində bir ailənin 4 üzvü - Sabirabad sakinləri, 2016-cı il təvəllüdlü Qəhəmanov Yusif Zamin oğlu, 2018-ci il təvəllüdlü Qəhrəmanova Günel Vilayət qızı, 1996-cı il təvəllüdlü Qəhrəmanova Aminə Fikrət qızı və 1990-cı il təvəllüdlü Qəhrəmanlı Vilayət Rzaxan oğlu, həmçinin 2016-cı il təvəllüdlü Bakı sakini Sarıyev Elvin Elşən oğlu müxtəlif dərəcəli xəsarətlərlə Şirvan şəhər xəstəxanasına yerləşdirilib.

Daha 2 nəfər ambulator yardım alıb.

Faktla bağlı araşdırma aparılır.

***

Qəzada xəsarət alan 7 nəfərdən biri - 9 yaşlı Yusif Qəhrəmanov xəstəxanada vəfat edib.

04 yanvar 2025

Mənbə: qafqazinfo.az