Qazaxıstan Prezidenti Kasım-Jomart Tokayev ölkədə metapnevmovirusun (HMPV) yayılması barədə məlumatlara münasibət bildirib. 

“Qafqazinfo” Qazaxıstan liderinin Mətbuat xidmətinə istinadən xəbər verir ki, Tokayev bu barədə Astanada Avrasiya Milli Universitetinin Tələbələr Evini ziyarət edərkən danışıb. 

O, sözügedən məsələ ilə bağlı ajiotaj yaratmamaq lazım gəldiyini bildirib: “Hazırda hamı yeni infeksiyadan danışır. Ajiotaj yaratmaq lazım deyil. Çinlə əməkdaşlığı bundan sonra da inkişaf etdirmək lazımdır”.

Xatırladaq ki, Qazaxıstan Səhiyyə Nazirliyi ölkədə ötən ilin oktyabrın 1-dən bu yana metapnevmovirusa 30 yoluxma halının qeydə alındığını açıqlayıb.

06 yanvar 2025

Mənbə: qafqazinfo.az