Azərbaycan Mərkəzi Bankında (AMB) struktur dəyişiklikləri həyata keçirilib.

“Qafqazinfo” xəbər verir ki, qurumun Kredit təşkilatlarının fəaliyyətinə nəzarət departamenti ləğv edilərək onun bazasında 2 yeni departament yaradılıb.

Bunlar, Bankların fəaliyyətinə nəzarət departamenti və Bank olmayan kredit təşkilatlarının fəaliyyətinə nəzarət departamentidir. 1-ci departamentə direktor Samir Rzayev, 2-ci departamentinə direktor isə Xəyyam İsmayılov təyin edilib.

S.Rzayev indiyə qədər AMB-nin Maliyyə monitorinqi departamentinin direktoru, X.İsmayılov ləğv edilmiş Kredit təşkilatlarının fəaliyyətinə nəzarət departamentinin şöbə rəisi olub. Maliyyə monitorinqi departamentinə rəhbərlik Orxan Abdullayevə həvalə olunub.

Eyni zamanda, AMB-də Beynəlxalq əməkdaşlıq və kommunikasiya departamenti yaradılıb. Bu departamentdə hələ ki rəhbər təyinatı yoxdur.

07 yanvar 2025

Mənbə: qafqazinfo.az