Paytaxtın Səbail rayonu ərazisində - Əziz Əliyev küçəsi ilə Neftçilər prospektinin kəsişməsində yeni piyada-velosiped keçidi təşkil edilib.

“Qafqazinfo” xəbər verir ki, layihəyə uyğun olaraq keçid eynisəviyyəli formada çəkilib. Beləliklə, piyadalara və velosipedlə hərəkət edən şəxslərə Dənizkənarı Milli Park ərazisinə yeraltı keçidə düşmədən hərəkətlərini davam etdirmək üçün şərait yaradılıb.

Qeyd edək ki, bir müddətdir Əziz Əliyev küçəsinin İçərişəhər istiqamətindəki əsas hissəsi nəqliyyat vasitələrinin hərəkəti üçün bağlanıb.

07 yanvar 2025

Mənbə: qafqazinfo.az