Cənubi Koreya məhkəməsi yenidən respublika prezidenti Yun Sok Yolun həbsinə order verib.

“Qafqazinfo” xəbər verir ki, bu barədə Koreya Respublikasının Korrupsiyaya Qarşı Mübarizə üzrə İstintaq İdarəsi məlumat yayıb.

“Həbs qərarı verilib, idarə bunun üçün şübhəli Yon üçün yenidən müraciət edib”, - nəşr bildirib.

Bir gün əvvəl departament məmurları Seul Qərb Dairə Məhkəməsinə “həbs qərarının qüvvədə olma müddətinin uzadılması üçün order” üçün ərizə veriblər. Onun haqqında əvvəlki həbs qərarı yanvarın 6-dək qüvvədə idi.

Xatırladaq ki, ötən il dekabrın 31-də Cənubi Koreya məhkəməsi Korrupsiyaya Qarşı Mübarizə üzrə İstintaq İdarəsinin tələbi ilə prezidentin həbsinə order vermişdi. Yanvarın əvvəli isə Yun Sok Yolun iqamətgahı önündə birgə istintaq qrupunun nümayəndələri ilə prezidentin mühafizə qüvvələri arasında qarşıdurma yaşanıb.

Belə ki, istintaq qrupu impiçmentlə səlahiyyətlərinin icrasından müvəqqəti uzaqlaşdırılan Yun Sok Yolu qiyam işi üzrə həbs etmək üçün iqamətgahına yaxınlaşdıqda dövlət başçısını mühafizə edən hərbçilər onların qarşısını kəsib. İstintaq qrupunun nümayəndələri yanvarın 3-də ərazini tərk ediblər.

07 yanvar 2025

Mənbə: qafqazinfo.az