“Liverpul”un sabiq futbolçusu Ceymi Karrager “Real Madrid”i sərt tənqid edib. 

“Qafqazinfo” xəbər verir ki, bu barədə “The Telegraph” nəşri məlumat yayıb.

“Real” xuliqandır. Xoşum gəlmir ki, onlar Trent Aleksander-Arnoldun və ya agentinin razılığından sonra kluba təklif göndəriblər. Onlara icazə verməsələr, təklif göndərməzlər. Amma hər kəs bilir ki, “Liverpul” imtina edəcək. Onda sizin məqsədiniz nədir? “Liverpul” qışda Trenti satmayacaq, komanda çempionluq uğrunda mübarizə aparır. Gəlin sadəlövh olmayaq. Hazırda heç kəs oyunçu ilə danışmazdan əvvəl rəsmi təklif göndərmir”. 

Bundan əvvəl mətbuatda “Liverpul”un “kral klubu”nun Arnoldun transferi ilə bağlı təklifini rədd etdiyi bildirilirdi.

Qeyd edək ki, Trentin İngiltərə klubu ilə müqaviləsi 2025-ci ilin yayında başa çatır. Bu mövsüm 26 yaşlı müdafiəçi “qırmızılar”ın heyətində bütün turnirlərdə 23 oyuna çıxıb, 1 qol vurub və 5 məhsuldar ötürmə edib.

Futbolçunun transfer qiyməti 75 milyon avrodur.

08 yanvar 2025

Mənbə: qafqazinfo.az