ABŞ ORDUSU 1000 MİL MƏSAFƏYƏ ATƏŞ AÇAN TOP YARADIR

0
24

ABŞ Müdafiə Nazirliyi 1000 dəniz mili (rəxminən 1900 kilometr) məsafəyə atəş aça biləcək top yaradır. Top hipersəsli silahla birlikdə ordunun mövcud hərbi sistemlərin əhatə dairəsindən kənarda olan mühüm strateji hədəflərə hücum etməyə imkan verəcək. Bu barədə “Defense News” nəşrinə istinadən “Popular Mechanics” portalı məlumat verir.

Proqramın rəhbəri polkovnik Con Rafferti (John Rafferty) topun hazırlanacağı texnologiyanın həqiqətən innovativ xarakter daşıdığını bildirib. Lakin bəzi ekspertlər hələ də layihənin iqtisadi cəhətdən özünü doğrultmayacağını qeyd edirlər.

ABŞ ordusu tezliklə Virciniyada Dalgren hərbi dəniz obyektində əsas texniki komponentin sınağını keçirməyə hazırlaşır. Məlum səbəblərdən dolayı yeni silahın taktiki-texniki xarakteristikası açıqlanmır. Maraqlıdır ki, hal-hazırda ABŞ ordusunun arsenalında olan uzaqvuran toplar 265 dəniz mili məsafəsində yerləşən hədəfləri məhv edə bilir. Görünür, söhbət reaktiv döyüş sursatı ilə atəş açan topdan gedir. Hərbçilərdə bu cür prototiplər olsa da, məsələ hələ heç vaxt sınaqların keçirilməsinə kimi gedib çıxmayıb.

Adi artilleriya silahlarında barıtın yaratdığı enerji ilə hərəkətə keçən artilleriya mərmisindən istifadə edilir. Topdan atış zamanı yanan barıt qazları böyük təzyiq yaradır. Təzyiq artır, “kritik həddə” çataraq gülləni topdan çıxarır. Çox güman, yeni silahda mexanizm fərqli olacaq. “Böyük top”dan raket mərmiləri atılacaq (RAP).

ABŞ ordusu hazır prototipi 2023-cü ilədək əldə edəcəyinə ümid edir. Həmin vaxtadək silahın bütün elementləri sınaqdan keçiriləcək. Hal-hazırda atış sistemi, həmçinin böyük məsafələrdə dəqiqliyin korreksiya sistemi böyük maraq kəsb edir. Növbəti maraq doğuran məsələ budur: mərmilər uzaqdan idarə edilə biləcəkmi? Hələlik bu barədə məlumat verilmir.Xpressa.net

BİR CAVAB BURAXIN

ŞƏRHİNİZİ DAXİL EDİN!
BURAYA ADINIZI DAXİL EDİN