Naxçıvanda hərbi vəzifəlilərin təlim toplanışı keçirilir FOTO  

0
0

<p> </p>

<p>Əlahiddə Ümumqoşun Ordunun bu il üçün hazırlıq planına əsasən, Səfərbərlik və Hərbi Xidmətə Çağırış üzrə Dövlət Xidmətinin Naxçıvan Muxtar Respublikası üzrə Baş İdarəsi ilə birgə tədbirlər çərçivəsində hərbi hissələrdə bir qrup hərbi vəzifəlinin cəlb edildiyi təlim toplanışı keçirilir.</p>

<p>Müdafiə Nazirliyinin mətbuat xidmətindən AZƏRTAC-a verilən məlumata görə, ehtiyatdan çağırılan hərbi vəzifəlilər müvafiq qeydiyyatdan və həkim müayinəsindən keçdikdən sonra geyim və digər təminat növləri ilə təmin olunublar.</p>

<p>Hərbi vəzifəlilərlə keçirilən təlim toplanışının əsas məqsədi hərbi hissələrin döyüş qabiliyyətinin daimi yüksək səviyyədə saxlanılması, səfərbərlik zamanı və müharibə (silahlı münaqişə) dövründə ordu sıralarına ehtiyatdan hazırlıqlı şəxsi heyətin çağırılmasıdır. Eyni zamanda, hərbi vəzifəlilərin döyüş vərdişlərini, onların hərbi ixtisas və təcrübələrini təkmilləşdirmək, habelə silahlanmaya qəbul edilmiş müasir silah və texnikanın istismar qaydalarını öyrətməkdən ibarətdir.</p>

<p>Toplanış çərçivəsində hərbi vəzifəlilərin döyüş hazırlığı səviyyəsinin artırılması, eləcə də bilik və bacarıqlarının təkmilləşdirilməsi məqsədilə müxtəlif ixtisaslar üzrə nəzəri və praktiki məşğələlər keçiriləcək.</p>

  

BİR CAVAB BURAXIN

ŞƏRHİNİZİ DAXİL EDİN!
BURAYA ADINIZI DAXİL EDİN