Elm və təhsil naziri Emin Əmrullayev yanvarın 24-də Zərdab şəhərində vətəndaşları qəbul edəcək.

“Qafqazinfo” xəbər verir ki, bu barədə nazirlik məlumat yayıb. 

Bildirilib ki, qəbulda Zərdab, Ucar, Yevlax, Mingəçevir, Ağdaş, Göyçay, Kürdəmir sakinləri iştirak edə bilərlər. 

Adları çəkilən şəhər və rayonların sakinləri yanvarın 16-dək  (saat 18:00-dək) Elm və Təhsil Nazirliyinin Çağrı Mərkəzinin 146 – 2 və 146 – 6 nömrəli telefonlarına (yalnız iş günləri və saatları ərzində) zəng etməklə qəbula yazıla bilərlər. 

Bununla yanaşı, nazirliyin rəsmi saytının https://edu.gov.az/az/contact_us bölməsinə elektron formada və ya +994 51 206 78 48 nömrəsinə “WhatsApp” vasitəsilə müraciət göndərmək mümkündür.

06 yanvar 2025

Mənbə: qafqazinfo.az