Kiyev Rusiyanın dondurulmuş aktivlərindən 3 milyard avro tranş alıb.

“Qafqazinfo” xəbər verir ki, bu barədə Ukraynanın Baş naziri Denis Şmıqal öz teleqram kanalında məlumat verib.

“Ukraynanın dövlət büdcəsi ERA təşəbbüsü çərçivəsində Aİ-dən üç milyard avro alıb. Bu, Rusiyanın dondurulmuş aktivlərindən əldə edilən gəlirlə təmin edilən Avropa İttifaqının vəsaitlərinin ilk tranşıdır”, - Şmıqal yazıb.

Onun sözlərinə görə, bu pul büdcənin prioritet xərclərinə yönəldiləcək.

Qeyd edək ki, 2024-cü ilin sonunda Aİ Ukraynaya 18,1 milyard avro məbləğində ümumi Aİ kreditinin birinci tranşının 2025-ci ilin yanvarında Kiyevə veriləcəyini açıqlayıb.

10 yanvar 2025

Mənbə: qafqazinfo.az