Azərbaycan Xarici İşlər Nazirliyi Monteneqroya başsağlığı verib.

“Qafqazinfo” xəbər verir ki, Azərbaycan XİN Monteneqronun Çetinye şəhərində baş vermiş silahlı hücumla bağlı həmin ölkəyə dəstəyini ifadə edib.

“Monteneqronun Çetinye şəhərində onlarla insanın həlak olması və yaralanması ilə nəticələnən ölümcül hücum bizi dərindən kədərləndirir.

Həlak olanların ailələrinə dərin hüznlə başsağlığı verir və yaralananların tezliklə sağalmasını arzulayırıq”, - deyə başsalığı mesajında qeyd edilib.

Qeyd edək ki, barların birində baş vermiş silahlı insident nəticəsində ikisi azyaşlı olmaqla 12 nəfər həlak olub, 4 nəfər isə yaralanıb.

04 yanvar 2025

Mənbə: qafqazinfo.az