Mərhum şahmatçı Vüqar Həşimovun partlayışda xəsarət alan atası Qasım Həşimov bu gün xəstəxanada vəfat edib.

“Qafqazinfo” xəbər verir ki, bu barədə Azərbaycan Şahmat Federasiyasının mətbuat katibi Sənan Şəfizadə məlumat yayıb.

***

TƏBİB-dən sorğumuza cavab olaraq bildirilib ki, Mərkəzi Neftçilər Xəstəxanasının Reanimasiya şöbəsində müalicə alan Həşimov Qasım Murtuz oğlunun bu gün saat 12:55-də ölüm faktı qeydə alınıb:

“Qasım Həşimov bədən səthinin 55%-ni əhatə edən II və III dərəcəli yanıq xəsarətləri ilə ağır vəziyyətdə Mərkəzi Neftçilər Xəstəxanasının Reanimasiya şöbəsinə daxil olmuşdu.

Göstərilən bütün zəruri tibbi müdaxilələrə baxmayaraq, onun həyatını xilas etmək mümkün olmayıb. Pasiyentin ölümünün ilkin səbəbi poliorqan çatışmazlığıdır”.

Qeyd edək ki, 3 dekabr 2024-cü ildə yaşadıqları evdə baş verən partlayış nəticəsində mərhum şahmatçı Vüqar Həşimovun atası Qasım Həşimov və anası Aida Həşimova xəsarət alıb.

08 yanvar 2025

Mənbə: qafqazinfo.az