Sumqayıtda 5 nəqliyyat vasitəsinin iştirakı ilə ağır yol qəzası olub. 

“Qafqazinfo” “Unikal”a istinadən xəbər verir ki, hadisə səhər saat 07:00 radələrində baş verib.

Belə ki, “BMW” markalı avtomobil qırmızı işıqda sürətlə keçərək sərnişin marşrutuna və digər avtomobillərə çırpılıb.

Nəticədə sərnişin marşrutu aşıb. Xeyli sayda yaralı olduğu bildirilir. Yaralılar təcili yardım maşınları ilə xəstəxanaya aparılıb.

***

TƏBİB-dən “Qafqazinfo”ya bildirilib ki, Sumqayıtda baş verən yol-nəqliyyat hadisəsi zamanı xəsarət alan 3 nəfər (kişi cinsli) Sumqayıt Tibb Mərkəzinin Təcili Tibbi Yardım Xəstəxanasına hospitalizasiya olunub. 

Başın toxumasının əziyi diaqnozu təyin edilən 1961-ci il təvəllüdlü və sol baldırın əziyi diaqnozu təyin edilən 1982-ci il təvəllüdlü şəxslərə Təcili yardım şöbəsində zəruri tibbi yardımlar göstərilib və ambulator müalicə üçün evə buraxılıblar.  

Sol baldır sümüklərinin qapalı yerdəyişən sınığı diaqnozu təyin edilən 1980-ci il təvəllüdlü şəxsin müalicəsi isə Travmatologiya şöbəsində davam etdirilir, vəziyyəti orta ağırdır.

04 yanvar 2025

Mənbə: qafqazinfo.az