“Gözəllik sahəsi son illərdə böyük irəliləyişlərə imza atdı və bu tendensiyanın 2025-ci ildə daha da inkişaf edəcəyinə ümid edirəm”.

“Qafqazinfo” xəbər verir ki, bunu Laser Beauty Estetik Klinikanın baş həkimi Rəna Soltanova deyib.

O qeyd edib ki, gözəllik artıq yalnız estetik görünüş deyil, insan sağlamlığının, özünəinamın və həyat keyfiyyətinin gücləndirilməsində mühüm rol oynayır:

“Bu sahədə müasir texnologiyalar və innovativ yanaşmalar yeni imkanlar yaradır və onların daha geniş tətbiq olunacağını gözləyirik.

2025-ci ilin gözəllik sahəsində birləşdirici və inqilabi dəyişikliklərlə dolu olacağına inanıram. Ümid edirəm ki, texnologiya, peşəkarlıq və insani dəyərlər bu sahənin inkişafına yeni töhfələr verəcək. Bu, yalnız estetik kosmetologiyanın deyil, hər bir insanın həyat keyfiyyətinin yüksəlməsi deməkdir”.

“2025-ci ildə hər birimizin gözəllik dünyasında yeniliklərin şahidi olacağına inanıram. Texnologiya, insan sağlamlığı və estetik zövq birləşərək yeni bir epoxa yaradacaq. Gözəlliyin zamanla dəyişən tərifini birgə formalaşdırmaq üçün hamınızı bu prosesdə fəal iştirak etməyə dəvət edirəm”, - dermato-kosmetoloq bildirib.

04 yanvar 2025

Mənbə: qafqazinfo.az